Proqram haqqında:
Bu proqram PCC credential əldə etməyə hazırlaşan kouçların ICF Credentialing Exam prosesini daha dərindən anlaması və imtahana strukturlaşdırılmış şəkildə hazırlaşması üçün hazırlanıb.

Proqram çərçivəsində iştirakçılar ICF Core Competencies, etik prinsiplər və PCC səviyyəsində kouçinq düşüncə tərzini təhlil edir, situasiya əsaslı suallar üzərində işləyir və cavab variantlarını ICF yanaşması əsasında qiymətləndirməyi öyrənirlər.

Əsas mövzular:

• ICF Credentialing Exam strukturu və yanaşması
• ICF Core Competencies
• ICF Code of Ethics
• PCC səviyyəsində kouçinq yanaşması
• Situasiya əsaslı imtahan suallarının təhlili
• Ən uyğun və ən az uyğun cavabların müəyyənləşdirilməsi
• Praktiki nümunələr və sınaq sualları
• İmtahan strategiyası və vaxtın idarə olunması
• Sual-cavab və yekun hazırlıq

Kimlər üçün nəzərdə tutulub?
PCC credential üçün müraciət edən və ya müraciət etməyə hazırlaşan, ICF Credentialing Exam öncəsi biliklərini sistemləşdirmək və imtahan yanaşmasını daha yaxşı anlamaq istəyən kouçlar üçün.

MODUL 3: LİDERLİK, İCRAÇI (EXECUTIVE) VƏ BİZNES KOUÇİNQİ

Müddət: 40 Tədris Saatı

Status: Korporativ və İxtisaslaşma Modulu

Modulun Məqsədi:

Böyük təşkilatlarda, şirkət rəhbərləri və komandalarla sistemik kouçinq layihələrini idarə etmək, korporativ mədəniyyəti gücləndirmək və ölçüləbilən biznes nəticələri əldə etməkdir.

Əhatə Olunan Mövzular:

• Liderlik və Executive Kouçinq: Top-menecerlər, CEO və C-suite liderlərlə fərdi tərəfdaşlıq

• Biznes və Təşkilati Kouçinq: Şirkət mədəniyyətinin transformasiyası, strateji uyğunlaşma və komanda dinamikası

• Performans və Nəticə Kouçinqi: Ölçüləbilən böyümə, hesabatlılıq (Accountability) və davamlı inkişaf modelləri

• Maraqlı tərəflərlə (Stakeholders) iş mexanizmi və kouçinq investisiyasının geri dönüşü (ROI) analizi

• Korporativ krizislər, komanda daxili konfliktlər və böhran idarəetməsində kouçinq yanaşması

Əldə Ediləcək Bacarıqlar:

• Korporativ mühitdə yüksək büdcəli və genişmiqyaslı kouçinq layihələri həyata keçirmək

• Liderlərin strateji qərarvermə və emosional liderlik bacarıqlarını inkişaf etdirmək

• Təşkilati hədəflərə xidmət edən ölçüləbilən kouçinq nəticələri təqdim etmək

MODUL 3: TƏTBİQİ KOUÇİNQ İXTİSASLARI VƏ ALƏTLƏR

Müddət: 24 Tədris Saatı

Status: Tətbiqi İxtisaslaşma Modulu

Modulun Məqsədi:

Kouçinq metodologiyasını real həyat ssenarilərinə (fərdi inkişaf, ailə və təhsil) inteqrasiya etmək, zəngin alətlər bazası ilə işləmək və ilk seans praktikasını həyata keçirməkdir.

Əhatə Olunan Mövzular:

• Həyat Kouçinqi (Life Coaching): Balans çarxı, dəyərlər analizi, daxili maneələrin aşılması və fərdi inkişaf planlaması

• Valideyn Kouçinqi (Parent Coaching): Ailədaxili ünsiyyət dinamikası, empatiya və dəstəkləyici valideynlik modelləri

• Tələbə/Şagird Kouçinqi (Student Coaching): İmtahan stresi, hədəf fokuslanması və tədris motivasiyası

• Praktiki diaqnostika şablonları, kouçinq texnikaları və ilk seans simulyasiyaları

Əldə Ediləcək Bacarıqlar:

• Müxtəlif müştəri profilləri üçün fərdiləşdirilmiş kouçinq yanaşması seçmək

• Praktiki kouçinq alətlərini seanslarda ustalıqla tətbiq etmək

• Fərdi məqsədlər və fəaliyyət planları üzrə ölçüləbilən nəticələr yaratmaq

Münasibətlər və İnsan Dinamikaları Kouçinqi

MƏQSƏD

İştirakçıların insan davranışları, şəxsiyyətlərarası ünsiyyət, emosional fərqindəlik və münasibət dinamikaları haqqında anlayışlarını dərinləşdirmək, fərdlərin öz münasibətlərini daha şüurlu şəkildə dəyərləndirmələrini və sağlam əlaqələr qurmaq istiqamətində mənalı seçimlər etmələrini dəstəkləyən kouçinq bacarıqlarını inkişaf etdirmək.

Modul münasibətlərdə etimadın, şəxsi sərhədlərin, qarşılıqlı anlaşmanın və konstruktiv ünsiyyətin əhəmiyyətini araşdırır. İştirakçılar fərdlər, cütlüklər və ailə münasibətləri kontekstində istifadə edilə bilən kouçinq yanaşmalarını öyrənir, eyni zamanda kouçinqin peşəkar və etik sərhədlərini qiymətləndirirlər.

TƏLİMİN MƏZMUNU

İnsan Davranışları və Münasibət Dinamikaları

• İnsan Davranışlarının və Münasibət Dinamikalarının Əsasları

• Şəxsiyyətlərarası Ünsiyyət və Emosional İntellekt

• Münasibət Nümunələrinin, Ehtiyacların və Gözləntilərin Araşdırılması

Etimad, Ünsiyyət və Sağlam Münasibətlər

• Fərdlər, Cütlüklər və Ailə Münasibətləri Kontekstində Kouçinq

• Etimad, Şəxsi Sərhədlər və Sağlam Münasibətlərin Qurulması

• Münaqişələrin Anlaşılması və Konstruktiv Dialoqun Dəstəklənməsi

Həyat Keçidləri və Emosional Fərqindəlik

• Tərəfdaşlıq, Evlilik və Ayrılıq Dövrlərində Dəyişikliklərin Araşdırılması

• Emosional və Yüksək Təzyiqli Vəziyyətlərdə Kouçinq

• Münasibət Kouçinqinin Praktiki Tətbiqi və Etik Sərhədlər

PRAKTİKİ TƏTBİQLƏR

İştirakçılar münasibət nümunələrinin araşdırılması, aktiv dinləmə, fərqli perspektivlərin kəşfi, şəxsi sərhədlərin aydınlaşdırılması və konstruktiv dialoqun dəstəklənməsi üzrə praktiki çalışmalar həyata keçirirlər.

Real həyat nümunələri, rol canlandırmaları və cütlüklərlə kouçinq təcrübəsi vasitəsilə münasibət mövzularında etik və müştəriyönümlü kouçinq söhbətləri aparmağı məşq edirlər. Cütlüklərlə iş zamanı hər iki tərəfin razılığı, məxfilik və ortaq kouçinq razılaşmaları xüsusi diqqət mərkəzində saxlanılır.

TƏLİM NƏTİCƏLƏRİ

Modulu tamamlayan iştirakçılar münasibət dinamikalarını araşdıran güclü suallar formalaşdırmaq, müştərilərin ünsiyyət və davranış nümunələrinə dair fərqindəliyini dəstəkləmək, etimada əsaslanan kouçinq münasibətləri qurmaq və peşəkar sərhədləri qorumaq bacarıqlarını inkişaf etdirəcəklər.